Дашкольны ўзрост з’яўляецца спрыяльным перыядам для актыўнага маўленчага развіцця дзіцяці.
Асноўная мэта маўленчага развіцця дзяцей дашкольнага ўзросту – авалоданне нормамі і правіламі роднай мовы, а развіцце звязнага маўлення – адна з важных задач.
5 красавіка 2018 года ў дзяржаўнай установе дашкольнай адукацыі “Яслі – сад №24 г. Баранавічы” адбыўся семінар для выхавальнікаў дашкольнай адукацыі г. Баранавічы на тэму: “Сучасныя падыходы да нацыянальна маўленчай дзейнасці дзяцей дашкольнага ўзросту”.
Намеснік загадчыка па асноўнай дзейнасці В.М.Ракашэвіч пазнаеміла выхавальнікаў з асаблівасцямі маўленчага развіцця дзяцей дашкольнага ўзросту ў сітуацыі двухмоўя. У ходзе семінару былі абазначаны напрамкі развіцця маўлення і культуры маўленчых зносін, сродкі беларускамоўнага развіцця дзяцей ў адукацыйным працэсе.
Увазе ўдзльнікам семінару былі прапанаваны розныя формы работы з дзецьмі з вопыту беларускамоўнай групы установы дашкольнай адукацыі.
Мерапрыемства садзейнічала ўдасканаленню беларускамоўнай кампетэнтнасці педагогаў устаноў дашкольнай адукацыі г. Баранавічы.